AQShning birinchi xonimi Mishel Obama Demokratik partiyaning Filadelfiyadagi umummilliy qurultoyida Donald Trampga qarshi juda kuchli nutq bilan chiqish qildi, shu bilan birga u Trampning ismini biror marta ham tilga olmadi, deb yozadi “TASS”.
“Men ushbu vazifani ishonib topshirishim mumkin bo‘lgan faqat bitta odam bor. Faqat bir kishi, fikrimcha, AQShning navbatdagi prezidenti bo‘lish uchun zarur xususiyatlarga ega. Va bu odam Hillari Klinton”, — dedi Mishel Obama.
Bundan tashqari, u “Amerika hamon buyuk mamlakat” ekanligini, bunga shubha qilib bo‘lmasligini ta’kidladi. Ushbu so‘zlar respublikachilardan prezidentlikka nomzod Donald Tramp saylovoldi kampaniyasining “Amerikani yana buyuk qilamiz” shioriga javob bo‘ldi.
Ekspertlar Mishel Obamaning 15 daqiqalik nutqini kuchli, his-tuyg‘uli va “shu paytgacha yangragan eng aksiltrampcha” nutq deb bir ovozdan baholadi.
Izoh (0)