Saudiya Arabistonining 5 nafar chegarachisi 25-iyul, dushanba kuni mamlakatning janubiy qismida, Yaman bilan chegaradagi to‘qnashuv oqibatida halok bo‘ldi. Bu haqda “TASS” xabar bermoqda.
“Dushanba kuni ertalab soat oltida chegara xizmati xodimlari Xabash hududi orqali Saudiya Arabistoni chegarasini noqonuniy ravishda kesib o‘tmoqchi bo‘lgan qurollangan guruh bilan to‘qnashdi. Natijada 5 nafar askar halok bo‘ldi”, – deyiladi Saudiya Arabistoni IIVning bayonotida.
Vazirlikning qayd etishicha, otishma 8 soatdan ortiq davom etgan. Hodisa uchun javobgarlik kimning zimmasida ekani xabar qilinmagan.
Yamanda 2014-yilning avgust oyidan buyon mahalliy hukumat kuchlari va shia isyonchilari (xusiylar) o‘rtasida to‘qnashuvlar to‘xtamayapti. BMTning ma’lumotlariga ko‘ra, qurolli to‘qnashuvlar oqibatida 6 400 dan ziyod kishi halok bo‘ldi, 30 mingdan ortig‘i jarohat olgan.
Izoh (0)