14-iyul kuni Nitssadagi teraktni tayyorlashga aloqadorlikda gumonlanib avvalroq Fransiyada qo‘lga olingan besh kishiga nisbatan ayblov e’lon qilindi. Bu haqda Parij prokuraturasi ma’lumotiga tayanib, 22-iyul, juma kuni AFP ma’lum qildi, deya xabar bermoqda “TASS”.
21-iyul, payshanba kuni Parij prokurori Fransua Molens Nitssadagi terrorchining sheriklari bo‘lishi mumkin bo‘lgan besh kishining hibsga olinganligini tasdiqladi. Ular uch nafar tunislik erkak va albaniyalik juftlikdir.
Molensning aniqlik kiritishicha, uch nafar gumonlanuvchi — A.Ramzi, S.Shukri va J.Muhammad Valid nomli erkaklar Tunis fuqarolaridir. Terrorchi Muhammad Buxlel ham tunislik edi. Ularga nisbatan “terrorchilik motivi bo‘yicha oldindan til biriktirish orqali qotilliklarga bosh qo‘shish” moddasi bo‘yicha ayblov e’lon qilindi.
Hibsga olingan albaniyalik juftlik X.Artan va Z.Enkeleja Nitssadagi terrorchini qurol bilan ta’minlashda gumon qilinmoqda. A.Ramzi va albaniyalik juftlik noqonuniy qurol aylanmasida ayblanmoqda.
Eslatib o‘tamiz, Nitssa kasalxonalarida shaharda 14-iyul kuni ro‘y bergan terakt oqibatida 84 kishi halok bo‘ldi.
Izoh (0)