Rossiyaning Tojikistonga joylashtirilgan 201-harbiy bazasi harbiy xizmatchilari jangovar shaylik bo‘yicha mashg‘ulotlarni bajarish uchun 22-iyul, juma kuni trevoga bilan safarbar etildi, deb yozadi “TASS” Markaziy harbiy okrugga tayanib.
Qo‘shilmaning butun shaxsiy tarkibi jalb qilingan jangovar shaylik mashqlari Dushanbe va Qo‘rg‘ontepa shaharlarida joylashgan ikkita garnizonda bo‘lib o‘tmoqda.
“Bo‘linmalar jangovar shaylik holatining oliy darajasiga keltirildi. Shaxsiy tarkib amalda shartli dushmanning muhim obyektlarga hujum qilishi kabi to‘satdan yuzaga keladigan vazifalar bo‘yicha harakatlarni mashq qilmoqda”, — deyiladi xabarda.
Mashg‘ulotlar chog‘ida komandir va shaxsiy tarkibning trevoga bilan safarbar qilishdagi xatti-harakatlari, shuningdek, Tojikiston Respublikasi kuch tuzilmalari bilan hamkorlikni tashkil qilish mashq qilinmoqda.
Izoh (0)