Braziliyada saratonga qarshi tajribaviy dorini sinash jarayoni yakuniy bosqichga o‘tmoqda — yaqin kunlarda dorini ko‘ngilli bemorlar qabul qila boshlaydi. Bu haqda San-Paulu shtatidagi Saraton institutiga tayanib, “TASS” xabar berdi.
Tadqiqotlarning yangi bosqichi 25-iyul, dushanba kuniyoq boshlanadi. Bunda gap “sintetik fosfoetanolamin” nomli modda haqida bormoqda. Braziliyaning San-Paulu universiteti olimlari tomonidan ishlab chiqilgan modda “saratonga qarshi tabletka” nomi ostida tanildi.
Dorini odamlarda sinab ko‘rish jarayonining birinchi qismida o‘n kishi qatnashadi. Ular organizmining reaksiyasiga qarab, mutaxassislar “sintetik fosfoetanolamin” og‘ir ikkilamchi ta’sirlar qoldirmayotganini va tajribani davom ettirish mumkin yoki yo‘qligini tushunishi kerak. So‘ng, salbiy dinamika kuzatilmasa, ishtirokchilar soni ko‘paytiriladi: ularni onkologik kasalliklari turiga qarab o‘nta guruhga ajratishadi.
Izoh (0)