Financial Times: Turkiyadagi tartibsizliklar neft bozoriga ta’sir ko‘rsatishi mumkin

Turkiyadagi tartibsizliklar neft bozorlarida aks etishi mumkin. Bu haqda Nyu-Yorkda tayyorlangan ekspertlik izohlari asosida Financial Times nashri ogohlantirmoqda. Mavzu tafsilotlarini “TASS” keltirdi.

AQSh energetika vazirligi ma’lumotlari asosida nashr 2013-yilda kuniga 2,9 million barrel neft va neft mahsulotlari tankerlarda Turkiya bo‘g‘ozlaridan o‘tkazilganini eslatib o‘tdi. Bu jahondagi yetkazmalarning 30 foizini tashkil etardi.

Bundan tashqari, Turkiyaning Jayhon portida Ozarbayjon va Iroq Kurdistonidan keladigan ikki yirik neft quvurining terminallari joylashgan. Ularning umumiy o‘tkazish sig‘imi — kuniga 2.7 million barrel.

• Turkiyadagi tartibsizliklar

Shuningdek, Turkiya hukumati va kompaniyalari Isroildagi “Leviafan” konidan gaz xarid qilish borasida muzokaralar olib borayotgan edi.