AQSh Nitssadagi voqealardan so‘ng, Fransiya bilan hamkorlikdagi terrorizmga qarshi qaratilgan harakatlarning kuchaytirilishini qo‘llab-quvvatlashga tayyor. Bu haqda 15-iyul, juma kuni Fransiya mudofaa vaziri Jan-Iv Le Drian bilan bo‘lib o‘tgan telefon suhbatida uning amerikalik hamkasbi Eshton Karter ma’lum qildi, deb yozadi “TASS”.
Karter Le Drianga o‘zi va muassasa nomidan hamdardlik izhor etdi va terrorizmga qarshi qaratilgan birgalikdagi harakatlarni kuchaytirishga ko‘mak berishni va’da qildi.
Ikki mamlakat harbiy muassasalari rahbarlari Nitssadagi hujum va unga javob choralarini muhokama qilish uchun kelasi hafta Vashingtonda uchrashishga kelishib oldi.
Izoh (0)