Italiyada temiryo‘l stansiyasi boshlig‘i poyezdlar to‘qnashuvidagi xatosini tan oldi

Italiya janubidagi “Andriya” temiryo‘l stansiyasi boshlig‘i Vito Pikkarreta, ikki poyezdning bir-biriga to‘qnashib ketishidan bir necha daqiqa oldin yo‘l qo‘ygan xatosini tan oldi. Bu haqda “RBK” xabar bermoqda.

12-iyul, seshanba kuni Italiya janubida ikki poyezdning to‘qnashib ketishi oqibatida halok bo‘lganlar soni 27 kishiga yetgani, 50 dan ortiq kishi jarohatlangani haqida xabar berilgandi. Pikkarretaning aytishicha, u to‘qnashuv oldidan poyezdlarning birini ikkinchi poyezd yo‘nalishiga o‘tishiga ko‘rsatma bergan. “Men poyezdga boshqa yo‘nalishga o‘tish uchun signal bergandim”, – dedi stansiya boshlig‘i. Tergov ishi munosabati bilan Vito Pikkarreta o‘z lavozimidan chetlashtirildi.

• Islom Karimov Italiyadagi temiryo‘l halokati munosabati bilan Italiya prezidentiga ta’ziya izhor etdi