O‘zbekiston Superligasi 14-turi doirasida “Buxoro” va “Sho‘rtan” jamoalari o‘rtasidagi uchrashuv yakunlandi. Samarqanddagi “Dinamo” stadionida bo‘lib o‘tgan bahsda nominal mezbon hisoblangan “Buxoro” jamoasi 3:1 hisobida g‘alaba qozonib, muhim uch ochkoni qo‘lga kiritdi.
Uchrashuvdagi hisob 30-daqiqada “Sho‘rtan” futbolchisi Doniyor Narzullayev tomonidan ochildi. 40-daqiqada esa Asilbek Qayumov javob golini kiritib, hisobni tenglashtirdi.
Ikkinchi bo‘lim boshida “Buxoro” oldinga chiqib oldi. 48-daqiqada Frane Chiryak tomonidan urilgan gol jamoasiga ustunlikni taqdim etdi. 86-daqiqada Izzatillo Po‘latov mezbonlar foydasiga uchinchi golni kiritib, uchrashuv taqdiriga yakuniy nuqta qo‘ydi — 3:1.
Mazkur natija o‘yinning oxirigacha o‘zgarishsiz qoldi. “Buxoro” mazkur g‘alaba evaziga ochkolar sonini 9 taga yetkazdi va turnir jadvalida 14-o‘rinni egallab turibdi. “Sho‘rtan” esa 9 ochko bilan musobaqa jadvalining so‘nggi pog‘onasida bormoqda.
O‘zbekiston Superligasi
14-tur
29-iyun, yakshanba
“Buxoro” — “Sho‘rtan” 3:1
Gollar: 0:1 — Narzullayev (30), 1:1 — Qayumov (40), 2:1 — Chiryak (49), 3:1 — Po‘latov (86)
Izoh (0)