Braziliyalik afsonaviy futbolchi Pele Rio-de-Janeyroda bo‘lib o‘tadigan Olimpiadaga bag‘ishlab qo‘shiq yozdi. Bu haqda u Twitter’dagi miqroblogida ma’lum qildi, deya xabar beradi “TASS”.
“Olimpiadaga atab ‘Umid’ deb nomlangan qo‘shiq yozdim. Uni sizlarning hukmingizga havola etishim mumkin bo‘lgan 15-iyulni sabrsizlik bilan kutyapman”, — deya ta’kidladi Pele.
Mashhur braziliyalik anchadan beri musiqa bilan qiziqib keladi. 1969-yili taniqli mahalliy xonanda Elis Rejina albomini yozishda ishtirok etgan va u bilan duet tarzida bir juft qo‘shiq aytgandi. Keyinchalik Pele yana bir necha musiqiy kompozitsiyalar muallifiga aylandi.
Izoh (0)