Бразилиялик афсонавий футболчи Пеле Рио-де-Жанейрода бўлиб ўтадиган Олимпиадага бағишлаб қўшиқ ёзди. Бу ҳақда у Twitter’даги миқроблогида маълум қилди, дея хабар беради «ТАСС».
«Олимпиадага атаб ‘Умид’ деб номланган қўшиқ ёздим. Уни сизларнинг ҳукмингизга ҳавола этишим мумкин бўлган 15 июлни сабрсизлик билан кутяпман», — дея таъкидлади Пеле.
Машҳур бразилиялик анчадан бери мусиқа билан қизиқиб келади. 1969 йили таниқли маҳаллий хонанда Элис Режина альбомини ёзишда иштирок этган ва у билан дуэт тарзида бир жуфт қўшиқ айтганди. Кейинчалик Пеле яна бир неча мусиқий композициялар муаллифига айланди.
Изоҳ (0)