AQShda uch nafar reper to‘g‘ridan-to‘g‘ri efirda o‘qqa tutildi

AQShda uch nafar afroamerikalik reper onlayn translyatsiya olib borayotgan chog‘da o‘qqa tutildi. Yigitlar mashinasida o‘tirib kameraga qarab rep o‘qiyotgan paytda ularning mashinasiga qarata o‘t ochildi, deb xabar beradi “Korrespondent.net”.

Voqea Norfolkda ro‘y berdi (Virjiniya shtati). Tryanslyatsiyani reper Ti Jey Uillyams ikki do‘sti bilan olib borayotgan edi.

Kutilmaganda ularning mashinasi o‘qqa tutildi. Uillyams telefonni qo‘lidan tushirib yuborganiga qaramay, kamera suratga olishda davom etdi. Videotasvirdan ma’lum bo‘lishicha, 20 sekund ichida reperlarga qarata 30 ga yaqin o‘q uzildi.

Voqea joyiga yetib kelgan shifokorlar yigitlar og‘ir jarohat olganlarini aniqladi. Ular mahalliy shifoxonaga yetkazildi.