Xonanda Adham Soliyev chinozlik Ahmadboyga ikki barobar ko‘paytirish sharti bilan katta miqdorda pul bergani haqidagi mish-mishlarni rad etib chiqdi. Xonandaning videomurojaati ijtimoiy tarmoqlarda, messenjerlarda, shuningdek, YouTube videoxizmatida e’lon qilingan.
“Qaysidir san’atkor Ahmadboyga pul bergan bo‘lishi mumkin, lekin men pul tugul, sigir ham bermaganman. Iltimos, Telegram orqali tarqatilayotgan bunday gap-so‘zlarga meni qo‘shmanglar”, — dedi xonanda Adham Soliyev.
“Undan ko‘ra yurtimizning tinchligini Xudodan so‘ranglar, o‘zingiz uchun, ota-onangiz uchun sog‘liq-salomatlik so‘ranglar. Mazza qilib: “Bo‘ri edim, bo‘ri, yigitlarning zo‘ri”, deb, yigitlarning zo‘ri bo‘lib yuringlar”, — deya qo‘shimcha qildi xonanda.
Avvalroq xonanda Munisa Rizayeva va aktrisa Ra’no Yarasheva ham chinozlik Ahmadboyga ko‘paytirib berish sharti bilan pul bergani haqidagi gap-so‘zlarni rad etib chiqqan edi.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)