Hindistonning Ringing Bell kompaniyasi 4 dollarga sotilishini iddao qilgan Freedom 251 smartfoni soxta bo‘lib chiqdi. Kompaniya 56 dollar turadigan Adcom Ikon 4 smartfonini o‘z mahsuloti deb ko‘rsatishga urinmoqchi bo‘lgani aniqlandi, deb xabar beradi “Korrespondent.net”.
Kompaniya gadjet tashqi ko‘rinishini o‘zgartirib, uni iPhone 4 ga o‘xshatgan va uni yangi mahsulot sifatida sotishga harakat qilgan. 4 dollarga sotiladigan, ammo asl narxi 60 dollarga yaqin uskunalar uchun ketgan xarajatni kompaniya mobil dasturlar sotish orqali qoplashni rejalashtirgan.
Ringing Bells Hindiston bosh vaziriga murojaat etib, arzon smatrfonlar ishlab chiqarishda moliyaviy ko‘mak so‘ragandi. So‘ralgan mablag‘ 7,4 million dollarni tashkil qilgan edi. Ma’lum bo‘lishicha, shu pul evaziga kompaniya Adcom Ikon 4 telefonlarini sotib olib, ularning tashqi ko‘rinishini o‘zgartirish va sotishni rejalashtirgan ekan.
Ammo kompaniyaga moliyaviy ko‘mak ko‘rsatilmadi. Natijada 30 mingdan ortiq buyurtmachilar smartfonlarsiz qoldi. Buyurtmalarning umumiy summasi 120 ming dollarni tashkil etgani ma’lum.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)