Ҳиндистоннинг Ringing Bell компанияси 4 долларга сотилишини иддао қилган Freedom 251 смартфони сохта бўлиб чиқди. Компания 56 доллар турадиган Adcom Ikon 4 смартфонини ўз маҳсулоти деб кўрсатишга уринмоқчи бўлгани аниқланди, деб хабар беради «Корреспондент.net».
Компания гаджет ташқи кўринишини ўзгартириб, уни iPhone 4 га ўхшатган ва уни янги маҳсулот сифатида сотишга ҳаракат қилган. 4 долларга сотиладиган, аммо асл нархи 60 долларга яқин ускуналар учун кетган харажатни компания мобил дастурлар сотиш орқали қоплашни режалаштирган.
Ringing Bells Ҳиндистон бош вазирига мурожаат этиб, арзон сматрфонлар ишлаб чиқаришда молиявий кўмак сўраганди. Сўралган маблағ 7,4 миллион долларни ташкил қилган эди. Маълум бўлишича, шу пул эвазига компания Adcom Ikon 4 телефонларини сотиб олиб, уларнинг ташқи кўринишини ўзгартириш ва сотишни режалаштирган экан.
Аммо компанияга молиявий кўмак кўрсатилмади. Натижада 30 мингдан ортиқ буюртмачилар смартфонларсиз қолди. Буюртмаларнинг умумий суммаси 120 минг долларни ташкил этгани маълум.
Диққат, диққат! «Дарё»нинг Telegram’даги расмий канали — «Тошқин ‘Дарё’»га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)