Россиядан бошпана сўраб олган Эдвард Сноуден ўз Twitter’ида «Путин нафақат инсон ҳуқуқларини бузадиган, балки ақлга тўғри келмайдиган репрессив қонунни имзолагани» ҳақида ёзди, дея хабар бермоқда «РБК».
Америкалик қайд этишича, сиёсий ва конституциявий оқибатларидан ташқари, «Яровая қонуни» интернетга солинган 33 миллиард долларлик солиқ ҳамдир.
«Мендан ўз танқидим учун жазо олишдан ҳайиқиш-ҳайиқмаслигим ҳақида сўрашади. Ҳайиқаман. Аммо бу менга Оқ уйни танқид қилишга халал бермади, бу ерда ҳам мен танқид қилишдан тўхтамайман», — деб ёзди Сноуден.
Аввалроқ у Ирина Яроваянинг «аксилтеррор пакети»ни имзоламасликка чақирган эди. АҚШ Миллий хавфсизлик агентлиги собиқ ходими Эдвард Сноуден фикрича, Давлат думаси томонидан қабул қилинган тузатишлар «иш бермайди ва асоссиз равишда инсон ҳуқуқларини бузади».
24 июнь куни Россия Давлат думаси депутат Ирина Яровая ва сенатор Виктор Озеров томонидан киритилган аксилтеррор қонун лойиҳасини иккинчи ва учинчи ўқишда қабул қилди. Ушбу лойиҳа ахборот тарқатиш ташкилотчиларини маълумотлар шифрланган тақдирда махсус хизматларга уларни ўқиш имконини берувчи манбаларни тақдим этиш мажбуриятини юклайди. Бундан бош тортилган тақдирда 1 миллион рублгача жарима кўзда тутилган.
7 июль куни эса Путин ушбу «аксилтеррор пакети»ни имзолади.
Изоҳ (0)