Qirg‘iziston iqtisodiyot vaziri Arzibek Kojoshev Norin viloyatiga ishchi tashrifi davomida 8 dollarga shim sotib oldi. Bu haqda K-News xabar bermoqda.
Vazir viloyatdagi biznes vakillari bilan uchrashib, kichik korxonalarni borib ko‘rdi. Ulardan biri 100 nafar ayol ishlaydigan va kuniga 500 dona erkaklar shimi tayyorlanadigan “Shalbar” mini-sexi bo‘ldi. Bu yerda ishlab chiqariladigan mahsulotlar Rossiyaga, jumladan, Tatariston, Moskva viloyati va Volgabo‘yiga eksport qilinadi.
Kojoshev tayyor shim tannarxi bilan qiziqdi va bunga uning qiymati 7 dollarga teng ekanligi haqida javob oldi. Shundan so‘ng vazir “Unda qirg‘iz udumiga muvofiq biroz foydasini — 8 dollar qoldiraman. Toki mahsulotingiz doimo xaridorgir bo‘lsin”, — deya bitta shim xarid qildi va korxona ishiga muvaffaqiyat tiladi.
Izoh (0)