Xonanda Lola Laylat ul-qadr kechasida Instagram’dagi sahifasida qaysi dinga e’tiqod qilishi haqida xabar qoldirdi. “Daryo” nashri mazkur xabar tarjimasini to‘liq e’lon qiladi.
“Kecha do‘stlarim, qadrdonlarim va yaqinlarim butun tun davomida duolar va niyatlar qilishdi. Ular bilan birga mening ko‘zimga ham uyqu kelmadi. Xayol surdim... Instagram’dagi xabarlarim ostida qaysi dinga e’tiqod qilishim haqida tez-tez so‘rab turasiz. Tan olaman, bu savolga javob berishga qiynalaman, chunki dindor emasman, biroq qalbim e’tiqodga to‘la”, — dedi Lola.
“Men ro‘za tutmayman, biroq ilohiy kuchlarga har kuni, ba’zan kuniga bir necha bor minnatdorchilik bildiraman. Farzandlarim: ‘Xudo kim?’, deb so‘rasa, ‘Xudo — bu Haqiqat va u bizning yuraklarimizda yashaydi’, deb javob beraman. Axir Ilohiylik — bu isbotlash yoki muqaddas kitoblarni o‘qib, o‘rganish mumkin bo‘lgan narsa emas. Uni faqatgina boshdan kechirish, yurakdan his qilish mumkinligiga ishonchim komil”, — dedi xonanda.
“Mening tushuncham bo‘yicha, din — ommani boshqarish bo‘yicha bir vosita. Barqaror insonni esa boshqarib bo‘lmaydi. Xuddi ma’naviylikni tashqi belgilar, juma yoki yakshanba kuni masjid yoki cherkovga qatnash bilan aniqlab bo‘lmaganidek. Har nima bo‘lganda ham, men uchun E’tiqod va din — butunlay boshqa-boshqa narsalardir”, — deb yozadi Lola.
“‘Dining nima?’, deb yana so‘raydigan bo‘lsangiz, javobim: Muhabbat. Borliq — bu Xudo. Xudo — bu Muhabbat. Barchangizni sevishimni aytganim holda, duolaringiz yetib borishini, niyatlaringiz amalga oshishini, sa’y-harakatlaringiz ro‘yobga chiqishini juda ham xohlayman”, — dedi Lola.
“Nima haqida yozayotganimni tushunmayotgan bo‘lishingiz mumkin, biroq men siz bilan shunchaki samimiy bo‘lishga intilaman. Men sizning tanlovingizni hurmat qilaman, siz ham shunga urinib ko‘ring”, — deya o‘z xabarini yakunlagan xonanda Lola.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)