Avstraliyaga borish uchun 21 sabab (foto)

Butun boshli qit’adan iborat mamlakat — Avstraliya sayyohlarning esida bir umrga qoladi. Uning plyajlari, kengliklari, qadimiy qoyalari, sharsharalari, sirli o‘rmonlari va ulkan megapolislari hech kimni befarq qoldirmaydi. Avstraliyaning yovvoyi tabiati esa boyligi va noyobligi bilan ajralib turadi.

AdMe o‘quvchilarni mamlakatning eng diqqatga sazovor jihatlari bilan tanishtiradi.

Sidney operasi (Sydney Opera House)

Sidneydagi opera teatri bugunning eng mashhur binolaridan hisoblanadi. Uning “yelkan”lari qit’ani tanitadigan ramzlardan biriga aylanib qolgan.

Xarbor-Brij ko‘prigi (Harbour Bridge)

Sidneyning eng katta ko‘prigi, dunyodagi eng yirik po‘lat arkali ko‘priklardan biri. Ko‘prikning minoralaridan birida muzey va Pylon Lookout kuzatish maydoni joylashgan bo‘lib, u yerdan turib shahar markazi va bandargoh manzaralaridan bahramand bo‘lish mumkin.

O‘n ikki havoriy (The Twelve Apostles)

“Port-Kempbell” milliy bog‘idagi qoyalar guruhi. Buyuk okean yo‘li yaqinida joylashgan, Viktoriya shtati.

Gorizontal sharsharalar

Avstraliyaning ko‘plab sharsharalari orasida go‘zalligi bilan Rassel, ko‘p miqyosliligi bilan Mitchell mashhur. Lekin qit’aga xos yana bir tabiiy fenomen bor — gorizontal sharsharalar. Buni Telbot ko‘rfazida kuzatish mumkin — bir-biridan 300 metr masofada joylashgan ikki tog‘ tizmasining darasidan suv ko‘tarilgan paytlarda ulkan tezlikda sharshara oqib o‘tadi.

Kenguru oroli

Qo‘riqxona va milliy bog‘lar orol hududining uchdan birini egallaydi. Ulkan qoyalar va yashil dalalarda echkemar, koala, o‘rdakburun, pastak pingvin, boyqush va kengurularni uchratish mumkin. Okeanda esa delfin va tyulenlar o‘ynab yuradi.

Nitmiluk milliy bog‘i, Ketrin (Katherine Gorge) darasi

Ushbu hudud inson va tabiat uyg‘unligi bilan mashhur: sayyohlarning chodirlari yaqinida vallabilar sakrab yuradi, osmonda uchar tulkilar parvoz qiladi, uzoqroqda dingolar uvillaydi.

Uluru qoyasi

Markaziy Avstraliyadagi ushbu qoya 680 million yoshda. Uning uzunligi — 3,6 kilometr, kengligi — 3 kilometr, balandligi — 348 metr.

Xiller va Makkenzi ko‘llari

Makkenzi dunyodagi eng toza ko‘llardan biridir. Xiller ko‘li esa pushti rangdaligi bilan mashhur. Yaqinda Extreme Microbiome Project loyihasi doirasida ko‘lga bunday tusni sho‘r suv dunaliyellasi nomli dengiz o‘ti berib turishi aniqlandi.

Janubiy Avstraliya manzaralari

Janubiy Avstraliya yorqin manzaralar va uzumzorlari bilan shuhrat qozongan. Mintaqaning eng yirik shahri — Adelaida. Glenelg quyoshli plyaji, dengiz mahsulotlaridan tayyorlangan taomlar mintaqaning o‘ziga xosliklaridir.

Tub aholi

Mamlakatda 250 til guruhi va 700 dan ortiq dialektlar mavjud. Bu tillarda gaplashuvchi tub aholi vakillari bilan tanishish, ularning afsona va rivoyatlarini tinglash, marosimlarida qatnashish mumkin.

Sidney akvariumi (Sydney Aquarium)

Bu akvariumni ko‘zdan kechirishga 3–4 soat ketadi. Sydney Aquarium “Shimoliy daryolar”, “Janubiy daryolar”, “Katta to‘siqli rif” va “Janubiy okeanlar” nomli mavzuviy zonalarga ajratilgan. Bu yerda uchta suzib yuruvchi okeanarium, 27 yirik hovuz va 23 akvarium yaratilgan. Tashrifchilar 150 metr uzunlikdagi tunneldan o‘tib, akvariumlardagi jonzotlarni tomosha qiladi.

“Reynbou-Bich” plyajida ot sayri

“Gigantlar vodiysi”, “Uolpol-Nornalup” milliy bog‘i

400 yillik daraxtlar ustidan sayohat qilmoqchi bo‘lganlar milliy bog‘dagi 40 metr balandlikda joylashgan Tree Top Walk titanli so‘qmoq yo‘lini tanlaydi.

Pinnakls cho‘li

Cho‘l “Nambang” milliy bog‘ining eng diqqatga sazovor hududidir. U o‘zining sirli o‘tkir uchli qoyalari bilan mashhur.

Havo rang tog‘lar (Blue Mountains)

Buyuk okean yo‘li

Tinch okeani chizig‘i bo‘yicha yotqizilgan avtomobil yo‘li. Viktoriya shtatida joylashgan. Uzunligi — 243 kilometr.

Trassada ruxsat etilgan maksimal tezlik — 80 kilometr/soat.

Avstraliya hayvonot bog‘lari

Sidneyning eng qadimgi hayvonot bog‘i — Tarongada 340 turdagi jonivorlar yashaydi. Lekin mamlakatda boshqa ko‘plab hayvonot bog‘lari ham bor: Perth Zoo, Melbourne Zoo, Healesville Sanctuary, Adelaide Zoo va h.k.

Vivid Sydney festivali

Ushbu tadbir qishning boshida o‘tkaziladi (Avstraliyada qish iyunda boshlanadi). Keng ko‘lamli festival shaharning barcha asosiy obidalarini qamrab oladi. Sidney operasi, Muqaddas Bibi Maryam sobori, Sidney universiteti, Qirollik botanika bog‘i binolarida chiroqlar shousi namoyish etiladi. Festival uchun har yili har xil mavzu tanlanadi. Joriy yildagi leytmotiv — tub aholi madaniyati.

Hind okeani sohilida tuya sayri (Cable Beach)

Hind okeani yaqinidagi Brum shahrining marvarid plyajlarida tuyalar ustida yurib sayr qilish tashkil etilgan. Bundan tashqari, sayyohlar Argayldagi olmos koniga borishi, vertolyot kabinasidan turib King Jorj sharsharasi va Mitchell platosini tomosha qilishi mumkin.

Katta to‘siqli rif

Great Barrier Reef 2900 alohida korall riflari hamda Korall orolidagi 900 oroldan iborat. Katta to‘siqli rif Avstraliyaning shimoli-sharqiy sohilida 2500 kilometrga cho‘zilib ketgan. Bu tirik organizmlardan hosil bo‘lgan Yer sayyorasidagi eng yirik tabiiy obyektdir.

Qit’aning hayvonot olami

Qit’a tabiati betakror va nihoyatda rang-barangdir. Avstraliyada 200 mingdan ortiq turdagi jonivorlar istiqomat qiladi. Qit’a sut emizuvchilarining katta qismi qopchiqlidir — onalar bolalarining qornidagi xaltachada ko‘tarib yuradi. Barcha ma’lum va mashhur jonivorlar — koala va kenguru.