Австралияга бориш учун 21 сабаб (фото)

Бутун бошли қитъадан иборат мамлакат — Австралия сайёҳларнинг эсида бир умрга қолади. Унинг пляжлари, кенгликлари, қадимий қоялари, шаршаралари, сирли ўрмонлари ва улкан мегаполислари ҳеч кимни бефарқ қолдирмайди. Австралиянинг ёввойи табиати эса бойлиги ва ноёблиги билан ажралиб туради.

AdMe ўқувчиларни мамлакатнинг энг диққатга сазовор жиҳатлари билан таништиради.

Сидней операси (Sydney Opera House)

Сиднейдаги опера театри бугуннинг энг машҳур биноларидан ҳисобланади. Унинг «елкан»лари қитъани танитадиган рамзлардан бирига айланиб қолган.

Харбор-Бриж кўприги (Harbour Bridge)

Сиднейнинг энг катта кўприги, дунёдаги энг йирик пўлат аркали кўприклардан бири. Кўприкнинг минораларидан бирида музей ва Pylon Lookout кузатиш майдони жойлашган бўлиб, у ердан туриб шаҳар маркази ва бандаргоҳ манзараларидан баҳраманд бўлиш мумкин.

Ўн икки ҳаворий (The Twelve Apostles)

«Порт-Кэмпбелл» миллий боғидаги қоялар гуруҳи. Буюк океан йўли яқинида жойлашган, Виктория штати.

Горизонтал шаршаралар

Австралиянинг кўплаб шаршаралари орасида гўзаллиги билан Рассел, кўп миқёслилиги билан Митчелл машҳур. Лекин қитъага хос яна бир табиий феномен бор — горизонтал шаршаралар. Буни Тэлбот кўрфазида кузатиш мумкин — бир-биридан 300 метр масофада жойлашган икки тоғ тизмасининг дарасидан сув кўтарилган пайтларда улкан тезликда шаршара оқиб ўтади.

Кенгуру ороли

Қўриқхона ва миллий боғлар орол ҳудудининг учдан бирини эгаллайди. Улкан қоялар ва яшил далаларда эчкемар, коала, ўрдакбурун, пастак пингвин, бойқуш ва кенгуруларни учратиш мумкин. Океанда эса дельфин ва тюленлар ўйнаб юради.

Нитмилук миллий боғи, Кэтрин (Katherine Gorge) дараси

Ушбу ҳудуд инсон ва табиат уйғунлиги билан машҳур: сайёҳларнинг чодирлари яқинида валлабилар сакраб юради, осмонда учар тулкилар парвоз қилади, узоқроқда динголар увиллайди.

Улуру қояси

Марказий Австралиядаги ушбу қоя 680 миллион ёшда. Унинг узунлиги — 3,6 километр, кенглиги — 3 километр, баландлиги — 348 метр.

Хиллер ва Маккензи кўллари

Маккензи дунёдаги энг тоза кўллардан биридир. Хиллер кўли эса пушти рангдалиги билан машҳур. Яқинда Extreme Microbiome Project лойиҳаси доирасида кўлга бундай тусни шўр сув дуналиелласи номли денгиз ўти бериб туриши аниқланди.

Жанубий Австралия манзаралари

Жанубий Австралия ёрқин манзаралар ва узумзорлари билан шуҳрат қозонган. Минтақанинг энг йирик шаҳри — Аделаида. Glenelg қуёшли пляжи, денгиз маҳсулотларидан тайёрланган таомлар минтақанинг ўзига хосликларидир.

Туб аҳоли

Мамлакатда 250 тил гуруҳи ва 700 дан ортиқ диалектлар мавжуд. Бу тилларда гаплашувчи туб аҳоли вакиллари билан танишиш, уларнинг афсона ва ривоятларини тинглаш, маросимларида қатнашиш мумкин.

Сидней аквариуми (Sydney Aquarium)

Бу аквариумни кўздан кечиришга 3–4 соат кетади. Sydney Aquarium «Шимолий дарёлар», «Жанубий дарёлар», «Катта тўсиқли риф» ва «Жанубий океанлар» номли мавзувий зоналарга ажратилган. Бу ерда учта сузиб юрувчи океанариум, 27 йирик ҳовуз ва 23 аквариум яратилган. Ташрифчилар 150 метр узунликдаги туннелдан ўтиб, аквариумлардаги жонзотларни томоша қилади.

«Рэйнбоу-Бич» пляжида от сайри

«Гигантлар водийси», «Уолпол-Норналуп» миллий боғи

400 йиллик дарахтлар устидан саёҳат қилмоқчи бўлганлар миллий боғдаги 40 метр баландликда жойлашган Tree Top Walk титанли сўқмоқ йўлини танлайди.

Пиннаклс чўли

Чўл «Намбанг» миллий боғининг энг диққатга сазовор ҳудудидир. У ўзининг сирли ўткир учли қоялари билан машҳур.

Ҳаво ранг тоғлар (Blue Mountains)

Буюк океан йўли

Тинч океани чизиғи бўйича ётқизилган автомобиль йўли. Виктория штатида жойлашган. Узунлиги — 243 километр.

Трассада рухсат этилган максимал тезлик — 80 километр/соат.

Австралия ҳайвонот боғлари

Сиднейнинг энг қадимги ҳайвонот боғи — Таронгада 340 турдаги жониворлар яшайди. Лекин мамлакатда бошқа кўплаб ҳайвонот боғлари ҳам бор: Perth Zoo, Melbourne Zoo, Healesville Sanctuary, Adelaide Zoo ва ҳ.к.

Vivid Sydney фестивали

Ушбу тадбир қишнинг бошида ўтказилади (Австралияда қиш июнда бошланади). Кенг кўламли фестиваль шаҳарнинг барча асосий обидаларини қамраб олади. Сидней операси, Муқаддас Биби Марям собори, Сидней университети, Қироллик ботаника боғи биноларида чироқлар шоуси намойиш этилади. Фестиваль учун ҳар йили ҳар хил мавзу танланади. Жорий йилдаги лейтмотив — туб аҳоли маданияти.

Ҳинд океани соҳилида туя сайри (Cable Beach)

Ҳинд океани яқинидаги Брум шаҳрининг марварид пляжларида туялар устида юриб сайр қилиш ташкил этилган. Бундан ташқари, сайёҳлар Аргайлдаги олмос конига бориши, вертолёт кабинасидан туриб Кинг Жорж шаршараси ва Митчелл платосини томоша қилиши мумкин.

Катта тўсиқли риф

Great Barrier Reef 2900 алоҳида коралл рифлари ҳамда Коралл оролидаги 900 оролдан иборат. Катта тўсиқли риф Австралиянинг шимоли-шарқий соҳилида 2500 километрга чўзилиб кетган. Бу тирик организмлардан ҳосил бўлган Ер сайёрасидаги энг йирик табиий объектдир.

Қитъанинг ҳайвонот олами

Қитъа табиати бетакрор ва ниҳоятда ранг-барангдир. Австралияда 200 мингдан ортиқ турдаги жониворлар истиқомат қилади. Қитъа сут эмизувчиларининг катта қисми қопчиқлидир — оналар болаларининг қорнидаги халтачада кўтариб юради. Барча маълум ва машҳур жониворлар — коала ва кенгуру.