Braziliyalik hujumchi Xalk Xitoyning “Shanxay SIPG” klubi bilan shartnoma imzoladi, deb xabar berdi OFKning Twitter’dagi sahifasi.
2012-yildan buyon Sankt-Peterburgning “Zenit” klubi sharafini himoya qilgan futbolchi Xitoydagi tibbiy ko‘rikdan muvaffaqiyatli o‘tdi. “Championat.asia”ning manbaasi ko‘rsatilmagan norasmiy ma’lumotiga ko‘ra, “Zenit” bu transferdan 55 million yevro ishlab olgan.
Rossiya Premyer-ligasining yakuniga yetgan 2015/16-yilgi mavsumida Xalk “Zenit” safida 27 uchrashuvda ishtirok etib, 17 ta gol urishga muvaffaq bo‘lgan, shuningdek, 16 ta golli pas oshirgan.
Xalk Shanxay klubiga qadar ham Osiyo qit’asida to‘p surgan. U 2005-yil Yaponiyaning “Kavasaki Frontale” klubi safiga Braziliyaning “Vitoriya”sidan yetib kelgandi. Keyinroq u “Konsadole Sapporo”, “Tokio Verdi” jamoalarda ham 1 yildan to‘p tepdi. Shu yo‘l orqali Portugaliyaning “Portu” klubiga borib qo‘shildi.
Xalkning yangi jamoasi “Shanxay SIPG” Xitoy Super Ligasining birinchi davrasi yakunlariga ko‘ra 16 jamoa orasida 4-o‘rinni egallab turibdi.
Izoh (0)