Yevropa futbol assotsiatsiyalari ittifoqi (UEFA) Turkiyaning Istanbul shahridagi terrorchilik hujumida halok bo‘lganlarning qarindoshlari va oilalariga hamdardlik bildirdi, deb yozadi “TASS” tashkilot saytiga tayanib.
“Biz Turkiya xalqi bilan birdamligimizni bildirib, halok bo‘lganlarning oilalariga chuqur hamdardlik izhor etamiz”, — deyiladi xabarda.
28-iyun kuni uch xudkush Istanbul aeroporti xalqaro terminalini portlatib yubordi. Terakt natijasida, so‘nggi ma’lumotlarga ko‘ra, 40 dan ortiq kishi halok bo‘ldi, 239 kishi jarohat oldi.
Turkiya hukumati terakt munosabati bilan mamlakatda umummilliy motam e’lon qildi.
Izoh (0)