BMT gumanitar agentliklari yil boshidan beri Suriyaning borish qiyin bo‘lgan va qamaldagi hududlarida istiqomat qilayotgan salkam 850 ming fuqarosiga yordam ko‘rsatdi. Bu haqda xalqaro tashkilot bosh kotibining rasmiy vakili o‘rinbosari Farxan Haq ma’lum qildi, deya xabar beradi “TASS”.
“2016-yil boshidan beri borish qiyin bo‘lgan hududlardagi salkam 850 ming kishi, jumladan, qamal ostidagi manzillarda yashovchi 330 ming kishi BMT agentliklari operatsiyalari tufayli turli darajada ko‘mak oldi”, — deya ta’kidlagan rasmiy vakil o‘rinbosari.
Uning bildirishicha, yanvar oyidan beri turli shahar va aholi punktlariga gumanitar yordam ortilgan 80 dan ortiq avtokolonna jo‘natilgan. Taqqoslash uchun, o‘tgan yilning shu davrida 34 ta kolonna yuborilgandi.
Izoh (0)