Amerikaning Rod-Aylend shtati poytaxti Providens shahrida shamol inkassator mashinasidan tushib qolgan ikkita sumkadan 20,5 ming dollarni uchirib ketdi, deb yozadi “RBK” mahalliy OAVlarga tayanib.
Brink’s inkassator firmasi vakili politsiyaga ma’lum qilishicha, hodisa 15-iyun, chorshanba kuni naqd pul ortilgan zirhli mashina mahalliy kasalxona hududidan chiqib ketayotganida sodir bo‘lgan.
Mashinaning orqa eshigi ochilib, pul solingan uchta sumka ko‘chaning transport yuradigan qismiga tushib ketgan, ularning ikkitasini yana bir avtomobil bosib o‘tgach, ular yorilgan, so‘ng shamol yoyilib ketgan pullarni uchirib ketgan.
Inkassatorlar pulni yig‘ib olishga uringani, ammo buni to‘liq amalga oshira olmaganini aytdi.
Kompaniyaning ichki xavfsizlik bo‘yicha menejeri inkassator mashinasining eshigi nima sababdan ochilib ketganini aniqlashtirib, hodisaga aloqador brigada a’zolarini so‘roq qilmoqda.
Izoh (0)