Igor Shuvalov: Sanksiyalarning bekor qilinishi xorijiy ishlab chiqaruvchilar Rossiya bozoriga tezda qaytishini anglatmaydi

Sanksiyalar bekor qilinadi, biroq bu xorijiy ishlab chiqaruvchilarning Rossiya bozoriga qaytishini yengillatmaydi. Rossiya bosh vazirning birinchi o‘rinbosari Igor Shuvalov Peterburgdagi xalqaro iqtisodiy forum sessiyalaridan biridagi chiqishida shu haqda ma’lum qildi, deb xabar beradi “Interfaks”.

“Sanksiyalar bekor qilinishi hammasi o‘z holiga qaytishi va avval sotuvda bo‘lgan, hozir esa man etilgan mahsulotlar tezda peshtaxtalarni to‘ldirishini anglatmaydi. Biz cheklovchi choralar olib tashlanganidan so‘ng me’yordagi savdo munosabatlariga qaytamiz, ular juda faol, ammo boshqacha bo‘ladi: G‘arbning Rossiya bozori uchun Sharq bilan raqobati shafqatsiz tus oladi”, — deb ta’kidladi Shuvalov.

Rossiya bosh vazirining birinchi o‘rinbosari “Sharqda mavjud imkoniyatlardan yaqingacha umuman foydalanilmagani”ni tan oldi.