23–24-iyun kunlari Toshkentda bo‘lib o‘tadigan Shanxay Hamkorlik Tashkiloti sammitida BMT bosh kotibi Pan Gi Munning siyosiy masalalar bo‘yicha o‘rinbosari Jeffri Feltman ishtirok etadi. Bu haqda, BMT yangiliklar markaziga asoslanib, “Gazeta.uz” xabar bermoqda.
Kutilayotgan sammit muhim ahamiyatga egadir, negaki O‘zbekistonning 2010-yildagi raisligi doirasida BMT va ShHT kotibiyatlari o‘rtasidagi hamkorlik yuzasidan deklaratsiya imzolangan edi, deb ta’kidlanadi xabarnomada.
Sammit arafasida BMT Bosh Assambleyasining rasmiy hujjati sifatida O‘zbekistonning BMTdagi doimiy vakilining maktubi chop etildi. Unga ShHTning mintaqada tinchlik va barqarorlikni mustahkamlashdagi o‘rni haqida material ilova qilindi.
Izoh (0)