Isroil harbiy harakatlar kuchayishi sababli G‘azo shimolidagi ba’zi hududlardan falastinliklarni evakuatsiya qilishga buyruq berdi. Bu haqda BBC xabar berdi.
G‘azo shahri va Jabaliya hududi aholisiga al-Mavosiy qirg‘oqbo‘yi hududiga ko‘chish buyurilgan. Bunga Isroil harbiy amaliyotlari “g‘arbga qarab kuchayib va kengayib borayotgani” sabab qilib ko‘rsatilgan.
HAMAS tomonidan boshqariladigan Sog‘liqni saqlash vazirligiga ko‘ra, Isroil hujumlari oqibatida 29-iyun kuni kamida 86 kishi halok bo‘lgan. Al-Mavosiyning “xavfsiz zona” deb ataladigan hududdagi hujum oqibatida qurbonlar orasida 3 nafar bola ham bor.
Shifokorlar va aholining aytishicha, 29-iyun kuni erta tongda G‘azoda bombardimonlar ko‘payib, bir nechta uy vayron bo‘lgan. HAMAS tomonidan boshqariladigan fuqarolik mudofaasi agentligi shu kuni kamida 23 kishi halok bo‘lganini ma’lum qilgan. Tibbiy ma’lumotlariga ko‘ra, Isroil havo hujumida Al-Mavosiy shahrida ko‘chirilgan odamlar yashaydigan chodirda halok bo‘lganlar 5 kishini tashkil etmoqda.
AQSH prezidenti Donald Tramp yahudiy davlatidan G‘azo sektorida o‘t ochishni to‘xtatishni talab qilmoqda. U “G‘azoda kelishuvga erishish va garovga olinganlarni qaytarish”ga yana bir bor chaqirgan.
Tramp 28-iyun kuni Truth Social ijtimoiy tarmog‘ida Isroil bosh vaziri Binyamin Netanyaxu HAMAS bilan kelishuv bo‘yicha muzokaralar olib borayotganini aytgandi. Shuningdek, Isroil mudofaa kuchlari matbuot kotibi Avixay Adrai 29-iyun kuni yahudiy harbiylari G‘azo shimolida “terrorchilar va terrorchilik infratuzilmasini tugatish uchun” harakat qilayotganini bildirgan.
Izoh (0)