Mukammal ko‘rinishda bo‘lish uchun Gollivud aktrisalari har kuni ovqatlanish tartibiga e’tibor beradi va muntazam mashq qiladi. Ba’zan muhim tadbirdan avval qomatni go‘zal holatga keltirish uchun ular qisqa vaqtda ta’sir qiladigan usullardan foydalanadi. Quyida mashhurlar sinovidan o‘tgan ana shunday samarali parhezlar haqida ma’lumot beriladi.
- Yeva Longoriyaning baliqli diyetasi
Aktrisa Yeva Longoriya yengil va foydali ovqatlarni afzal ko‘radi. Muhim tadbirlardan oldidan u baliq mahsulotlariga asoslangan parhezga amal qiladi. Bu usul unga och qolmay diyeta saqlash imkonini beradi.
Natija: Bir necha kun ichida 2–3 kg vazn yo‘qotish, tanadagi yengillik va tiniq teri.
Diyetaning qoidalari:
- Asosiy taom sifatida qaynatilgan, tandirda yoki grilda tayyorlangan baliq: losos, orkinos, treska, forel baliqlari iste’mol qilish;
- Har bir porsiya 200 grammdan oshmasligi;
- Uglevodlar o‘rniga yangi yoki bug‘da pishirilgan sabzavotlar iste’mol qilinadi. Non, makaron va yorma butunlay ratsiondan chiqarib tashlanadi;
- Kuniga kamida 2 litr suv ichish kerak.
Bu usul nimasi bilan foydali?
- Baliq oqsil va omega-3 yog‘ kislotalariga boy bo‘lib, moddalar almashinuvini faollashtiradi va terining holatini yaxshilaydi;
- Sabzavotlar esa o‘simlik tolasi va vitaminlarga ega, ular organizmni tozalaydi va energiya beradi;
- “Og‘ir” uglevodlardan voz kechish tanadagi shishlarni kamaytiradi va tanadan ortiqcha suyuqlikni chiqaradi.
- Demi Murdan qora olxo‘rili monodiyeta
62 yoshli aktrisa Demi Mur har doim chiroyli qomati bilan hayratlantirib kelgan. Uning siri oddiy — u yotishdan oldin bir hovuch qora olxo‘ri iste’mol qiladi. Bu tabiiy, shirin va past kaloriyali meva nafaqat hazmni yaxshilaydi, balki organizmni tabiiy ravishda yoshartiradi.
Natija: 3–5 kun ichida 1–3 kg yo‘qotish, yengillik va terining holatida ijobiy o‘zgarishlar.
Diyetaning qoidalari:
- Kechqurun 10 tagacha qora olxo‘ri va ko‘p miqdorda suv yoki o‘simlik choyi ichish.
- Kun davomida yengil ovqatlanish: sabzavotlar, oqsillar va foydali yog‘lar yeyish.
Bu usul qanchalik foydali?
- Qora olxo‘ri tabiiy detoks vositasi, u hazmni yaxshilaydi va ortiqcha suyuqlikni chiqarishga yordam beradi;
- Kam kaloriyali, ammo shirin ta’mi bilan shirinliklarga bo‘lgan ishtiyoqni kamaytiradi;
- Antioksidantlarga boy bo‘lib, qarish jarayonini sekinlashtiradi.
- Jennifer Lopesning “bir stakan” diyetasi
Jennifer Lopesning bu parhezi organizmni zo‘riqtirmagan avvalgi formaga qaytishiga yordam beradi.
Natija: Ortiqcha ovqatlanishning oldi olinadi, kichik porsiyalar hazm qilishni yengillashtiradi.
Diyetaning qoidalari:
- Har bir ovqat porsiyasi 250 ml (bir stakan) hajmdan oshmasligi kerak;
- Faqat ochlik sezilganda ovqatlanish lozim, zerikkanda tamaddi qilish mumkin emas;
- Asosiy e’tibor oqsilga boy mahsulotlar va sabzavotlarga: yog‘siz go‘sht, baliq, tuxum, ko‘katlarga berilishi kerak;
- Kuniga kamida 2 litr suv ichish lozim.
- Jennifer Enistondan “oq mahsulotlardan voz kechish” diyetasi
Jennifer Eniston 56 yoshda ham yosh va sog‘lom ko‘rinadi. Buning sirlaridan biri “oq diyeta” nomli maxsus parhez turidir.
Diyetaning qoidalari:
- Shakar, oq un, non va non mahsulotlari, guruch, makaron, kartoshka, tuz kabi mahsulotlardan butunlay voz kechiladi;
- Ruxsat etilgan yagona “oq” mahsulotlar — oq go‘sht (tovuq, kurka) va tuxum oqi.
Bu usul qanday samara beradi?
- Tez hazm bo‘ladigan uglevodlarni chiqarib tashlash tanadagi shish va yog‘ qatlamlarini kamaytiradi;
- Oqsillar to‘qlik hissini uzoq vaqt saqlaydi va mushaklarni mustahkamlaydi;
- Tuzni kamaytirish orqali organizm toksinlardan tozalanadi.
- Haydi Klumning karamli diyetasi
Germaniyalik supermodel Haydi Klum karamni juda qadrlaydi. Tuzlangan yoki pishirilgan karamning 100 grammida atigi 23 kkal mavjud. Shuningdek, u vitaminlar, kalsiy va temirga boy. Bu mahsulot moddalar almashinuvini faollashtiradi va tezda ozishga yordam beradi.
Natija: Bir necha kun ichida och qolmasdan 2–3 kg vazn yo‘qotish.
Diyetaning qoidalari:
- Asosiy taom — karam (tuzlangan, dimlangan, salat shaklida yoki sho‘rva tarzida);
- Oqsil sifatida ratsionga biroz tovuq, baliq yoki tuxum qo‘shish mumkin;
- Un mahsulotlari, shakar va spirtli ichimliklardan butunlay voz kechish;
- Kuniga kamida 2 litr suv ichish.
Bu usul nimasi bilan foydali?
- Karam — past kaloriyali, vitaminlarga boy va foydali moddalarga to‘la;
- Kalsiy, magniy, temir va tolalar metabolizmni faollashtiradi;
- Hazmni yaxshilaydi va tanadan ortiqcha suyuqlikni chiqaradi.
Eslatma! Har qanday diyetani sinab ko‘rishdan avval shifokor yoki diyetolog bilan maslahatlashish tavsiya etiladi.
Izoh (0)