Taniqli aktrisalar terisining mukammalligi faqat qimmatbaho kosmetika mahsulotlariga emas, balki oddiy uy sharoitidagi vositalarga ham bog‘liq. Quyida dunyoga mashhur ayollarning g‘ayrioddiy go‘zallik layfxaklari va mutaxassislar izohlarini jamladik.
Sindi Krouford — tonik o‘rniga sutli suv
Taniqli model Sindi Krouford faqat ichimlik suvi bilan yuzini yuvadi va unga sut ham qo‘shadi. Bu “kokteyl” teriga sog‘lom ko‘rinish, yumshoqlik va ipakdek silliqlik beradi.
Sutli suv universal namlantiruvchi va oziqlantiruvchi vosita hisoblanadi. Sindi uni tonik o‘rnida ishlatadi: aralashmaga paxta diskini botirib, yuzini kuniga ikki mahal artadi. Bundan tashqari, aralashmani purkagichli idishga solib, mist sifatida yuziga sepadi.
Mutaxassislar ta’kidlashicha, bu usul samarali bo‘lishi uchun sut yangi bo‘lishi kerak.
Emma Stoun — yuvinish geliga soda qo‘shadi
Emma tayyor tozalovchi vositalardan foydalansa-da, ularga biroz osh sodasi qo‘shadi. Bu oddiy qo‘shimcha aktrisaning terisini silliq qiladi hamda toshmalarga qarshi kurashishda yordam beradi.
Kosmetologlar fikricha, iste’mol sodasi haqiqatan ham yengil skrab vazifasini bajaradi. Ammo bu yerda me’yor muhimdir: bir martalik gel hajmiga atigi bir chimdim soda qo‘shish yetarli. Bunday aralashmani haftasiga bir-ikki marta ishlatish tavsiya etiladi.
Jizel Bundxen — yuziga kola sepadi
Jizel intervyularidan birida ba’zan yuzini koka-kola bilan yuvishini aytib o‘tgan. Uning fikricha, bu ichimlik yuzga sog‘lom va tetik ko‘rinish beradi. Sababi — gazli pufakchalar terida yorilib, qon aylanishini faollashtiradi.
Biroq dermatologlar bu usuldan ehtiyotkorlik bilan foydalanishni tavsiya qiladi. Uning o‘rniga xavfsizroq alternativ sifatida gazli mineral suvni ishlatish mumkin. U teriga zarar yetkazmaydi va aynan shunday “pufakchali” effektni beradi. Koka-kola esa ko‘p miqdorda shakar va agressiv moddalarga ega bo‘lib, teri uchun xavfli hisoblanadi.
Salma Hayek — makiyajni o‘chirish uchun kokos yog‘i
Salma Hayek ertalablari umuman yuzini yuvmaydi — bu ishni faqat kechqurun amalga oshiradi. U bu odatni bolaligidan takrorlab kelgan. “Teringiz o‘zining tabiiy yog‘lariga muhtoj — faqat shunda u nam va sog‘lom bo‘ladi. Buni menga buvim o‘rgatgan”, deydi aktrisa.
Kechqurun esa Salma makiyajni kokos yog‘i bilan ehtiyotkorlik bilan tozalaydi, Bu vosita kir va yog‘larni samarali eritadi. So‘ng aktrisa yuzini yaxshilab yuvadi va ustidan iliq atirgul suvi bilan kompress qo‘yadi.
Ba’zi mutaxassislar Salma uslubini qo‘llab-quvvatlaydi, boshqalar esa ertalabki yuvinishni majburiy deb hisoblaydi.
Izoh (0)