2016-yil 25-may kuni O‘zbekiston Respublikasi Prezidenti “2016—2017-o‘quv yilida O‘zbekiston Respublikasining oliy ta’lim muassasalariga o‘qishga qabul qilish to‘g‘risida”gi qarorga imzo chekdi. Huquqshunos Xushnudbek Xudayberdiyev o‘z blogida OTMlarga qabul kvotalari qanday o‘zgarganini tahlil qilib chiqdi.
Prezident qarorida ta’kidlanishicha, iqtisodiyot tarmoqlari va sektorlarining oliy ma’lumotli mutaxassislar bilan amalda ta’minlanganligini ekspertizadan o‘tkazib baholash natijalariga ko‘ra bakalavriat tayyorlashning 18 ta yangi mutaxassisligi joriy etilishini nazarda tutuvchi oliy ta’lim yo‘nalishlari va mutaxassisliklari ro‘yxatiga tegishli o‘zgartirishlar kiritildi.
Joriy yildagi oliy ta’lim muassasalariga talabalarni qabul qilish kvotasiga ko‘ra, bakalavr ta’lim yo‘nalishiga 57 907 nafar talaba qabul qilinadi. Shularning 19 120 nafari davlat grantida va 38 787 nafari to‘lov-kontrakt bo‘yicha tahsil oladi. O‘tgan yil bilan solishtirsak, umumiy qabul kvotalar soni bo‘yicha o‘zgarish kuzatilmagan.
Qabul kvotasi soni bo‘yicha OTMlar reytingi quyidagi ko‘rinishda bo‘ldi (bakalavr uchun):
Toshkent axborot texnologiyalari universiteti (filiallari bilan) — 2515 nafarToshkent davlat texnika universiteti — 2330 nafarToshkent davlat agrar universiteti (filiali bilan) — 1960 nafarQoraqalpoq davlat universiteti — 1894 nafarTermiz davlat universiteti — 1842 nafar
O‘tgan yilgi bilan solishtirsak, Termiz davlat universitetiga 180 ta o‘rin qo‘shilishi evaziga, kuchli beshlikka kirishga muvaffaq bo‘lgan.
Shuningdek, joriy yilgi kvotalarni o‘tgan yilgi bilan solishtirsak, OTMlar kesimida o‘zgarishlar mavjud. Xususan, 10 ta OTMda kvotalar o‘tgan yilgiga qaraganda kamaygan, 21 ta OTMda kvotalar soni ko‘paygan, 44 ta OTMda esa o‘zgarishsiz qolgan.
Qabul kvotasi soni o‘tgan yilgiga nisbatan kamaygan OTMlar reytingi quyidagicha ko‘rinish oldi:
Toshkent davlat pedagogika universiteti — 520 nafarga;Namangan muhandislik-pedagogika instituti — 105 nafarga;Toshkent davlat texnika universiteti — 75 nafarga;O‘zbekiston milliy universiteti — 66 nafarga;Jizzax politexnika instituti — 30 nafarga;Toshkent moliya instituti — 25 nafarga;Toshkent to‘qimachilik va yengil sanoat instituti — 25 nafarga;Toshkent davlat iqtisodiyot universiteti — 10 nafarga;Toshkent kimyo-texnologiya instituti — 5 nafarga;O‘zbekiston davlat konservatoriyasi — 1 nafarga.
Qabul kvotasi soni o‘tgan yilgiga nisbatan ko‘paygan OTMlar reytingi quyidagicha ko‘rinish oldi:
Termiz davlat universiteti — 180 nafarga;Qarshi davlat universiteti — 115 nafarga;Jizzax davlat pedagogika instituti — 80 nafarga;Toshkent tibbiyot akademiyasi — 60 nafarga;Nukus davlat pedagogika instituti — 47 nafarga.
Qabul kvotalari respublika OTMlari bo‘yicha qanday taqsimlangani haqida batafsil Xushnudbek.uz saytida xabardor bo‘lishingiz mumkin.
Izoh (0)