AQSH prezidenti Donald Trampning migratsiya siyosati doirasida Floridada atrofi timsohlar bilan to‘la immigratsiya markazi quriladi. Bu haqda NBC News xabar berdi.
Huquq himoyachilari va ekologlar qurilishga qarshi norozilik bildirmoqda. Migrantlarni saqlash markazini qurish tashabbusi Florida shtatidagi bosh prokuror Jeyms Utmayerga tegishli. Qurilayotgan obyekt allaqachon “Timsohli Alkatras” deb atalmoqda.
OAV ma’lumotlariga ko‘ra, lager qurilish boshlanganidan 7 kun o‘tgach ochilishi kerak. U 5 ming nafargacha odamga mo‘ljallangan. Loyiha qiymati yiliga taxminan 450 million dollarni tashkil etadi. Markaz mashhur “Alkatras” qamoqxonasiga o‘xshatib qurilmoqda. Hukumat vakillari noqonuniy muhojirlarni og‘ir izolyatsiya sharoitida — botqoqliklar va timsohlar orasida ushlab turishni maqsad qilgan.
Huquq himoyachilari va ekologlar bu odamlar uchun xavf va atrof-muhitga zarar yetkazishidan norozi. Tramp hali bu tashabbusga izoh bermagan. Biroq uning rahbarligidagi Ichki xavfsizlik vazirligi bu markazni yuritish uchun kerakli federal ruxsatni bergan.
Prezident Tramp rahbarligida biz jinoyatchi noqonuniy muhojirlarni ommaviy deportatsiya qilish bo‘yicha amerikaliklarning talabini bajarayotganimizdan faxrlanamiz. Biz Florida bilan hamkorlikda kunlar ichida (migrantlar saqlanadigan) joylar va inshootlarni kengaytiramiz, degan ichki ishlar vaziri Kristi Noem.
Izoh (0)