MyTaxi xizmati 21-maydan Farg‘ona shahrida ham ishga tushdi va bu haqda “Daryo” internet-nashri ham xabar bergan edi. Xabarda MyTaxi’ning Android va iOS mobil dasturlariga havolalar berilgan bo‘lib, ular orqali dastur bir kunning o‘zida qariyb 4 ming marta ko‘chirib olindi.
Shu munosabat bilan, MyTaxi loyihasi asoschisi va rahbari bo‘lmish Akmal Payziyev mahsulot va xizmatlarni ommalashtirishda “Daryo”ning samaradorligi haqidagi fikrlari bilan o‘rtoqlashdi.
“Rasman 2015-yil boshida ishga tushgan MyTaxi taksi buyurtma qilish xizmatini ommalashtirish, xizmatga ulangan haydovchilar va xizmatdan muntazam foydalanuvchi yo‘lovchilarning sonini oshirish borasida ko‘p ishlar qilindi, servis reklamasiga katta e’tibor qaratildi. MyTaxi’ning ommabopligini oshirishda “Daryo” internet-nashri bilan hamkorlikda amalga oshirilgan ishlar ayniqsa foydali bo‘ldi, deb ayta olaman”, — dedi Akmal Payziyev.
“O‘tgan davr mobaynida “Daryo”da MyTaxi’ning yangi xizmatlari, tariflari, takliflari haqida o‘quvchilarda katta qiziqish uyg‘otgan maqola va xabarlar muntazam e’lon qilib borildi, saytga joylashtirilgan havolalar orqali minglab hamyurtlarimiz taksi buyurtma qilish bo‘yicha eng ilg‘or servislardan birining doimiy foydalanuvchisiga aylandi. Bunday manfaatli hamkorlikni keyin ham davom ettirish niyatidamiz”, — dedi MyTaxi rahbari.
“Servis targ‘ibotida reklamaning barcha turidan foydalanib, ularni sinovdan o‘tkazib ko‘ra olgan kompaniya rahbari sifatida ishonch bilan ayta olamanki, “Daryo” — internetning o‘zbek tilida so‘zlashuvchi auditoriyasiga tez va aniq yetib borishning eng samarali vositasidir”, — deya qo‘shimcha qildi Akmal Payziyev.
Ma’lumot uchun, MyTaxi — Newmax Technologies kompaniyasining ishlanmalaridan biridir. Kompaniya, shuningdek, Maxtrack, Workly kabi xizmat va tizimlarni ishlab chiquvchisi hisoblanadi.
“Daryo” — O‘zbekistondagi eng ommabop internet-nashr bo‘lib, unga bir oyda 1,1 milliondan ortiq mushtariy tashrif buyuradi. WWW.uz statistikasiga ko‘ra, “Daryo” tashriflar soni bo‘yicha Uznetning birinchi raqamli saytidir. “Daryo”da, MyTaxi’dan tashqari, Ucell, “Bilayn-O‘zbekiston”, UMS, Samsung, Huawei, Murad Buildings, PayMe kabi yirik kompaniya va tashkilotlar ham o‘z reklamasini joylashtirgan.
Bizda reklama joylashtiring!
“Daryo” internet-nashrida mahsulot va xizmatlaringiz reklama qilishni istasangiz:- (+998-90) 120-78-65 — reklama menejerimiz Bekzodga yoki
- (+998-71) 140-86-85 — ish vaqti (9:00 dan 18:00 gacha) ofisimizga qo‘ng‘iroq qiling.
Izoh (0)