Angliya shimolida, Lids yaqinidagi Birstollda saylovchilar bilan uchrashuv chog‘ida deputat Jo Koks o‘qotar qurol va pichoq bilan yaralandi. 41 yoshli siyosatchi ayol og‘ir ahvolda shifoxonaga olib kelindi, ammo uning hayotini saqlab qolishning iloji bo‘lmadi. Bu haqda, The Financial Times nashriga asoslanib, “RBK” xabar bermoqda.
Hujum uyushtirgan 52 yoshli erkak qo‘lga olindi. U hujum paytida yana bir erkakka yengil jarohatlar yetkazgan edi.
Manchester Evening News gazetasining bildirishicha, jinoyatchining ismi Tommi Merdir. Guvohlarning ta’kidlashicha, deputatga hujum qilish oldidan u “Britaniya birinchi o‘rinda!” deb hayqirgan.
Koks Buyuk Britaniyaning Yevropa Ittifoqi tarkibida qolishining tarafdori edi. Uni o‘ldirgan erkak teskari siyosiy qarashlari tufayli jinoyatni amalga oshirgan bo‘lishi mumkinligi aytilmoqda.
Ushbu fojiadan so‘ng Buyuk Britaniyaning Yevroittifoqdan chiqishi bo‘yicha ikkita rasmiy kampaniya vaqtinchalik to‘xtatildi. Bosh vazir Devid Kemeron Gibraltarga safarini bekor qildi.
Izoh (0)