Англия шимолида, Лидс яқинидаги Бирстоллда сайловчилар билан учрашув чоғида депутат Жо Кокс ўқотар қурол ва пичоқ билан яраланди. 41 ёшли сиёсатчи аёл оғир аҳволда шифохонага олиб келинди, аммо унинг ҳаётини сақлаб қолишнинг иложи бўлмади. Бу ҳақда, The Financial Times нашрига асосланиб, «РБК» хабар бермоқда.
Ҳужум уюштирган 52 ёшли эркак қўлга олинди. У ҳужум пайтида яна бир эркакка енгил жароҳатлар етказган эди.
Manchester Evening News газетасининг билдиришича, жиноятчининг исми Томми Мердир. Гувоҳларнинг таъкидлашича, депутатга ҳужум қилиш олдидан у «Британия биринчи ўринда!» деб ҳайқирган.
Кокс Буюк Британиянинг Европа Иттифоқи таркибида қолишининг тарафдори эди. Уни ўлдирган эркак тескари сиёсий қарашлари туфайли жиноятни амалга оширган бўлиши мумкинлиги айтилмоқда.
Ушбу фожиадан сўнг Буюк Британиянинг Евроиттифоқдан чиқиши бўйича иккита расмий кампания вақтинчалик тўхтатилди. Бош вазир Дэвид Кэмерон Гибралтарга сафарини бекор қилди.
Изоҳ (0)