Erkin Vohidovga marsiya, sudlanayotgan Messi, Venesueladagi ochlik qo‘zg‘oloni va kunning boshqa muhim yangiliklari

3-iyunning e’tiborga molik yangiliklari — “Daryo”ning kechki dayjestida.

1. O‘zbekistonda 26,2 ming tonnadan ziyod pilla tayyorlanib, yillik shartnoma majburiyati bajarildi. Samarqand, Surxondaryo, Buxoro, Navoiy, Sirdaryo, Qashqadaryo, Farg‘ona viloyatlari pillakorlari birinchilar qatorida shartnoma rejasini bajardi.

2. Abdulla Oripov hamkasbi Erkin Vohidovga atab marsiya yozdi. “Sakson yil chorlashdi o‘rtaga olib, Oxir tortishuvda Yer chiqdi g‘olib”.

3. Farg‘ona vodiysida 4,3 magnitudali zilzila kuzatildi. 3-iyunga o‘tar kechasi 00:17 da O‘zbekistonning sharqiy qismida 4,3 magnitudali zilzila sodir bo‘ldi.

4. Venesuela poytaxtida ochlik qo‘zg‘oloni bo‘lib o‘tdi. Namoyishchilar “Yeyishni istaymiz!” degan baqiriqlar bilan prezident Nikolas Maduro qarorgohiga olib boradigan ko‘chaga chiqib, undagi harakatni to‘xtatib qo‘ydi.

5. Prokuror suddan Lionel Messini oqlashni so‘radi. Lionelning otasi — Xorxe Messining aytishicha, uning o‘g‘li shartnomalarga ularni o‘qimasdan qo‘l qo‘ygan.

Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.