Bugun,

  • USD 11095.31
  • RUB 173.84
  • EUR 10772.44

O‘zbekiston pillakorlari 26,2 ming tonnadan ziyod pilla tayyorlab, yillik shartnoma majburiyatini bajardi. Bu haqda O‘zA xabar bermoqda.

Foto: O‘zA

Foto: O‘zA

O‘zbekiston qishloq va suv xo‘jaligi vazirligidan ma’lum qilishlaricha, joriy yilda pillakorlar “Ipakchi-1”, “Ipakchi-2”, “O‘zbekiston-5”, “O‘zbekiston-6” kabi serhosil, iqlim sharoitiga mos, kasalliklarga chidamli mahalliy navlardan ipak qurti parvarishlab, har qutidan o‘rtacha 58,2 kilogrammdan hosil oldi.

Samarqand, Surxondaryo, Buxoro, Navoiy, Sirdaryo, Qashqadaryo, Farg‘ona viloyatlari pillakorlari birinchilar qatorida shartnoma rejasini bajardi. Jondor, Narpay, Beshariq, Boyovut, Jarqo‘rg‘on, Kasbi, Qiziltepa, Chust, Qo‘rg‘ontepa tumanlarida har quti ipak qurtidan 60—68 kilogrammdan hosil olishga erishildi.

Fermerlarni moddiy rag‘batlantirishga alohida e’tibor qaratilgani samaradorlikning muhim omili bo‘ldi. Xususan, pillaning xarid narxi o‘rtacha 11 foiz oshirilib, hosil qiymatining 43 foizi miqdoridagi mablag‘ mavsum boshidan bo‘nak sifatida berildi.

Izoh
Asosiy yangiliklar
Mahalliy
Nukusdagi tartibsizliklar oqibatida yetkazilgan zarar miqdori ma’lum bo‘ldi
Mahalliy
O‘zbekistonda oilaviy bog‘chalar 50 nafargacha bola olishi mumkin bo‘ladi
Mahalliy
Surxondaryoda 3 ming dollarni 33,6 mln so‘mga ayirboshlagan noqonuniy “valyutchik” ushlandi