Эркин Воҳидовга марсия, судланаётган Месси, Венесуэладаги очлик қўзғолони ва куннинг бошқа муҳим янгиликлари

3 июннинг эътиборга молик янгиликлари — «Дарё»нинг кечки дайжестида.

1. Ўзбекистонда 26,2 минг тоннадан зиёд пилла тайёрланиб, йиллик шартнома мажбурияти бажарилди. Самарқанд, Сурхондарё, Бухоро, Навоий, Сирдарё, Қашқадарё, Фарғона вилоятлари пиллакорлари биринчилар қаторида шартнома режасини бажарди.

2. Абдулла Орипов ҳамкасби Эркин Воҳидовга атаб марсия ёзди. «Саксон йил чорлашди ўртага олиб, Охир тортишувда Ер чиқди ғолиб».

3. Фарғона водийсида 4,3 магнитудали зилзила кузатилди. 3 июнга ўтар кечаси 00:17 да Ўзбекистоннинг шарқий қисмида 4,3 магнитудали зилзила содир бўлди.

4. Венесуэла пойтахтида очлик қўзғолони бўлиб ўтди. Намойишчилар «Ейишни истаймиз!» деган бақириқлар билан президент Николас Мадуро қароргоҳига олиб борадиган кўчага чиқиб, ундаги ҳаракатни тўхтатиб қўйди.

5. Прокурор суддан Лионель Мессини оқлашни сўради. Лионелнинг отаси — Хорхе Мессининг айтишича, унинг ўғли шартномаларга уларни ўқимасдан қўл қўйган.

Диққат, диққат! «Дарё»нинг Telegram’даги расмий канали — «Тошқин ‘Дарё’»га обуна бўлиб, янгиликлардан овозли кўринишда баҳраманд бўлишингиз мумкин.