NATOning sharqiy qanotiga, avvalroq e’lon qilingan to‘rtta batalyon bilan birgalikda, harbiy uskunalar ham joylashtiriladi. Bu haqda Shimoliy Atlantika alyansi bosh kotibi Yens Stoltenberg Polsha mudofaa vaziri Antoniy Matserevich bilan qo‘shma brifingda ma’lum qildi, deb yozadi “TASS”.
“Biz sharqiy qanotimizni rotatsiya asosida ko‘p millatli kuchlarni, shuningdek, qurol-aslahalarni joylashtirish yo‘li bilan mustahkamlaymiz. Ular, jumladan, Polshaga ham joylashtiriladi”, — dedi u.
“Bizning bugungi suhbatimiz faqat Polshaga va Boltiq mamlakatlariga to‘rtta jangovar batalyon o‘rnatilishini tasdiqlab qolmadi, — dedi o‘z navbatida Matserevich. — Biz, shuningdek, Polshada bo‘lishi mumkin bo‘lgan qurol-aslaha omborlarini ham muhokama qildik. Bu biz uchun juda muhim bo‘lib, u bizning xavfsizlik hissimizni mustahkamlaydi”.
Izoh (0)