НАТОнинг шарқий қанотига, аввалроқ эълон қилинган тўртта батальон билан биргаликда, ҳарбий ускуналар ҳам жойлаштирилади. Бу ҳақда Шимолий Атлантика альянси бош котиби Йенс Столтенберг Польша мудофаа вазири Антоний Мацеревич билан қўшма брифингда маълум қилди, деб ёзади «ТАСС».
«Биз шарқий қанотимизни ротация асосида кўп миллатли кучларни, шунингдек, қурол-аслаҳаларни жойлаштириш йўли билан мустаҳкамлаймиз. Улар, жумладан, Польшага ҳам жойлаштирилади», — деди у.
«Бизнинг бугунги суҳбатимиз фақат Польшага ва Болтиқ мамлакатларига тўртта жанговар батальон ўрнатилишини тасдиқлаб қолмади, — деди ўз навбатида Мацеревич. — Биз, шунингдек, Польшада бўлиши мумкин бўлган қурол-аслаҳа омборларини ҳам муҳокама қилдик. Бу биз учун жуда муҳим бўлиб, у бизнинг хавфсизлик ҳиссимизни мустаҳкамлайди».
Изоҳ (0)