27 май, жума куни Ўзбекистон Республикаси ташқи ишлар вазири Абдулазиз Камилов мамлакатдаги миссиясини якунлаётган БМТ Болалар жамғармаси (ЮНИСЕФ) ваколатхонаси раҳбари Роберт Фюдерични қабул қилди. Бу ҳақда вазирлик матбуот хизмати хабар бермоқда.
Учрашувда Ўзбекистон ва ЮНИСЕФ ўртасидаги муносабатлар ҳолати ва ривожлантириш истиқболлари муҳокама қилинди, алоқаларнинг конструктив ва ўзаро манфаатли тусга эга эканлиги қайд этилди.
Суҳбат чоғида 16 апрелда имзоланган 2016—2020 йилларда ЮНИСЕФнинг Ўзбекистонга оид ҳамкорлик дастурининг муваффақиятли амалга оширилишидан томонлар манфаатдор эканлиги билдирилди.
ЮНИСЕФ ваколатхонаси раҳбарига ҳамкорликнинг турли соҳаларидаги амалий масалаларни ҳал этишга қўшган шахсий ҳиссаси учун миннатдорчилик билдирилди.
Изоҳ (0)