O‘zbekistonda 25-may, chorshanba kuni havo bulutli bo‘ladi, yog‘ingarchilik kutilmaydi. Bu haqda “O‘zgidromet” markazi xabar bermoqda.
Xabar berishlaricha, 25-mayga o‘tar kechasi O‘zbekistonning tog‘li hududlarida havo harorati +10...+15 daraja, Toshkent shahrida +16...+18 daraja, Buxoro, Navoiy, Qashqadaryo va Surxondaryo viloyatlarida +20...+25 daraja, qolgan hududlarda +15...+22 daraja iliq bo‘ladi.
Chorshanba kuni kunduzi mamlakatning tog‘li joylarida havo harorati +20...+25 daraja, Farg‘ona vodiysi viloyatlarida +25...+30 daraja, Toshkent shahrida +32...+34 daraja, Toshkent, Samarqand, Jizzax va Sirdaryo viloyatlarida +30...+35 daraja iliq bo‘lishi kutilmoqda.
Shu kuni Qoraqalpog‘iston Respublikasi va Xorazm viloyatida havo harorati +38 darajagacha, Buxoro, Navoiy, Qashqadaryo va Surxondaryo viloyatlarida esa +39 darajagacha ko‘tarilishi mumkin.
Izoh (0)