Rossiya raketaga qarshi mudofaa vositalari AQSh harbiy havo kuchlarining Rossiya chegarasi yaqinida Yapon dengizi ustida havo razvedkasini amalga oshirayotgan RS-135 razvedkachi samolyotini aniqladi, deb yozadi “Vedomosti”. Shu tufayli Rossiya mudofaa vazirligiga 23-may, dushanba kuni AQShning Rossiyadagi elchixonasi huzuridagi mudofaa masalalari bo‘yicha attashe chaqirildi.
“AQSh mudofaa vazirligi vakiliga 22-may kuni Rossiya raketaga qarshi mudofaa vositalari tomonidan Rossiya Federatsiyasi davlat chegarasi yaqinida Yapon dengizi ustida havo razvedkasini amalga oshirayotgan AQSh HHKning RS-135 razvedkachi samolyoti aniqlangani bildirildi”, — deyiladi xabarda.
Ta’kidlanishicha, AQSh HHK samolyoti o‘chirilgan transponder bilan parvoz qilgan. Yo‘nalish haqidagi axborot ekipaj tomonidan hududdagi dispetcherlik xizmatlariga uzatilmagan. Shu bilan birga, samolyot fuqarolik aviatsiyasi laynerlari tomonidan muntazam reyslar amalga oshirilishi uchun mo‘ljallangan balandliklar eshelonidan foydalangan.
Amerika samolyoti ekipajining noprofessional xatti-harakatlari natijasida fuqarolik aviakompaniyalarining havo kemalari bilan to‘qnashish xavfi yuzaga kelgan.
Izoh (0)