Тошкентдаги Ёшлар ижод саройида «Чарм, пойабзал, кийим ва аксессуарлар — 2016» V-халқаро саноат кўргазма ярмаркаси ўз ишини бошлади. Бу ҳақда UzReport хабар бермоқда.
Кўргазма-ярмарка доирасидаги муҳим воқеалардан бири «Ўзбекчармпойабзали» уюшмаси билан Россиянинг «МОСШУЗ» пойабзал, сумкалар ва аксессуарлар халқаро ихтисослаштирилган кўргазмаси ўртасида ўзаро ҳамкорлик тўғрисидаги меморандум имзоланиши бўлди.
Мазкур меморандумнинг имзоланиши икки давлат пойабзал ишлаб чиқариш ва терини қайта ишлаш корхоналари ҳамкорлигини мустаҳкамлашга хизмат қилади. Унинг доирасида Ўзбекистон ва Россияда, шунингдек, учинчи мамлакатларда соҳа бўйича шерикларни топиш, маҳсулотларни тарғиб этишда ўзаро ташкилий ва ахборот кўмаги кўрсатилиши ҳам кўзда тутилган.
Маълумот учун, «МОСШУЗ» Москвада йилда тўрт бор ўтказилади ва унда мунтазам равишда дунёнинг 27 давлатидан 300 дан зиёд етакчи компания иштирок этади.
Изоҳ (0)