Alberta provinsiyasida Kanada qurolli quchlarining har yilgi keng ko‘lamli “Zarang qat’iyati” (Exercise Maple Resolve) harbiy mashqlari bo‘lib o‘tadi. Bu haqda mamlakat mudofaa vazirligi ma’lum qildi, deya xabar beradi “TASS”.
23-maydan 6-iyungacha mintaqaning markaziy qismi, “Ueynrayt” harbiy bazasida bo‘lib o‘tadigan mashqlarda AQSh va Buyuk Britaniya harbiy xizmatchilari ham ishtirok etadi. Mashqlarga safarbar etilgan zobit va askarlarning umumiy soni 7,3 ming kishidan oshadi, ulardan 6 mingdan ziyodi kanadalik harbiylardir.
“‘Zarang qat’iyati’ manyovrlari harbiy xizmatchilar uchun haqiqiy holatga yaqin sharoitlarda mashg‘ulot o‘tash uchun ajoyib imkoniyat. Ular jangovar qurolli kuchlarga ega bo‘lish va ittifoqdoshlarimiz bilan o‘zaro faoliyatni yo‘lga qo‘yishdagi imkoniyatlarimizni kengaytiradi”, — deya ta’kidlagan Kanada mudofaa vaziri Xarjit Singx Sajan.
Izoh (0)