“Inson svetofor rangini tanlash huquqiga ega”. Toshkentning uchala rangi bir vaqtda yonib turgan svetoforlariga foydalanuvchilar munosabati

Facebook’dagi “Voditeli Tashkenta” guruhida Toshkentning turli ko‘chalarida uchala rangi bir vaqtda yonib turgan svetoforlarning suratlari paydo bo‘ldi.

Suratlardan biri “O‘zgidromet” markazi yaqinida olingani bildirilgan. “Yunusobodda ham, ayniqsa ertalab ketayotganingda mana shunday boshqotirmalar uchrab qoladi”, — deb yozadi foydalanuvchilardan biri.

“Xohla yur, xohla tur”, — deb suratni izohlagan foydalanuvchilardan biri. Boshqasi esa: “Inson hatto svetofor rangini ham tanlash huquqiga ega”, — deb yozgan. Yana bir foydalanuvchi esa vaziyatga “Diskoteka”, deb izoh bergan.

“Svetoforlarning bu holati haqida Facebook’ga yozguncha, bu haqda tegishli xizmatga qo‘ng‘iroq qilib, ma’lumot berilganida, osonroq va foydaliroq bo‘lardi”, — deb vaziyatga boshqa nuqtadan qaragan foydalanuvchilardan biri fikr bildirgan.