Facebook’даги «Водители Ташкента» гуруҳида Тошкентнинг турли кўчаларида учала ранги бир вақтда ёниб турган светофорларнинг суратлари пайдо бўлди.
Суратлардан бири «Ўзгидромет» маркази яқинида олингани билдирилган. «Юнусободда ҳам, айниқса эрталаб кетаётганингда мана шундай бошқотирмалар учраб қолади», — деб ёзади фойдаланувчилардан бири.
«Хоҳла юр, хоҳла тур», — деб суратни изоҳлаган фойдаланувчилардан бири. Бошқаси эса: «Инсон ҳатто светофор рангини ҳам танлаш ҳуқуқига эга», — деб ёзган. Яна бир фойдаланувчи эса вазиятга «Дискотека», деб изоҳ берган.
«Светофорларнинг бу ҳолати ҳақида Facebook’га ёзгунча, бу ҳақда тегишли хизматга қўнғироқ қилиб, маълумот берилганида, осонроқ ва фойдалироқ бўларди», — деб вазиятга бошқа нуқтадан қараган фойдаланувчилардан бири фикр билдирган.
Изоҳ (0)