Amerikaning Fresno shahri (Kaliforniya shtati) yaqinidagi temir yo‘l kesishmasida to‘xtagan avtomobilga poyezdning to‘qnashishi oqibatida uch kishi halok bo‘ldi. Bu haqda, Associated Press agentligi ma’lumotiga tayanib, “TASS” xabar beradi.
Agentlikning ma’lum qilishicha, Amtrak kompaniyasining yo‘lovchi poyezdi temir yo‘l o‘rtasida to‘xtagan pikapni urib yuborgan. 200 dan ortiq yo‘lovchisi bo‘lgan poyezd soatiga 130 kilometrga yaqin tezlikda harakatlanayotgan edi.
To‘qnashuv oqibatida avtomobil bir necha o‘n metrga uchib ketgan. Undagi uch kishi voqea joyida halok bo‘lgan. Poyezd yo‘lovchilaridan hech kim jabrlanmagan.
Voqea joyida politsiya ishlamoqda. Hodisaning qo‘shimcha tafsilotlari aniqlanmoqda.
Izoh (0)