Suriyada o‘g‘irlab ketilgan uch nafar ispaniyalik jurnalist ozod qilindi. Bu haqda Ispaniya hukumati matbuot kotibi ma’lum qildi, deb xabar beradi “RBK”.
Gap frilanser jurnalistlar Antonio Pampliyega, Xose Manuel Lopes va Anxel Sastre haqida ketmoqda. Ispaniya bosh vazirining o‘rinbosari vazifasini bajaruvchi Sorayya Saens de Santamariya ular bilan muloqotda bo‘lishga ulgurgani aytilmoqda. El Pais manbalariga ko‘ra, jurnalistlar hozirda Turkiyada bo‘lib, ularni olib kelish uchun ispan rasmiylari samolyot jo‘natgan.
Shahardagi vaziyat haqida material tayyorlayotgan Pampliyega, Lopes va Sastre o‘tgan yil iyulida “Jabhat an-Nusra” jangarilari nazoratida bo‘lgan Aleppoda bedarak yo‘qolgandi.
Izoh (0)