Misrda “Musulmon birodarlari” uyushmasining olti nafar vakili Qohira jinoiy sudi tomonidan Qatar foydasiga josuslikda ayblanib, o‘lim jazosiga hukm qilindi. Mamlakatda mavjud yuridik amaliyotga ko‘ra, ularning ishlari tasdiqlash uchun oliy muftiyga yuboriladi, deb xabar beradi “TASS”.
Sud mazkur ishdagi asosiy ayblanuvchi — Misr sobiq prezidenti Muhammad Mursiy va yana to‘rt nafar sudlanuvchiga nisbatan hukm e’lon qilishni 18-iyunga qadar qoldirdi. Sudyalar buni Mursiy va qolgan ayblanuvchilarni sud majlisiga yetkazib kelish bilan bog‘liq murakkabliklarga yo‘ydi.
Izoh (0)