Afg‘onistonda yuz bergan otishmada NATOning ikki nafar harbiy xizmatchisi halok bo‘ldi. Bu haqda “TASS” xabar bermoqda.
Resolute Support missiyasi tomonidan tarqatilgan bayonotda bildirilishicha, mamlakat xavfsizlik kuchlari libosida bo‘lgan ikki afg‘on 7-may, shanba kuni tongda mamlakatdagi harbiy bazalardan birida otishma boshlagan. NATO xizmatchilari javob o‘ti ochib, hujum uyushtirganlarni o‘ldirgan, biroq o‘zlari ham ikki askarni yo‘qotgan. Ularning millati, shuningdek, hodisaning boshqa tafsilotlari keltirilmagan.